Stop-motion ينتمي الفيلم لنوعية افلام ال أو تقنية إيقاف الحركة، وهي أحد فنون الصور المتحركة التي يمكن من خلالها توصيل فكرة للمشاهد بأسلوب ممتع و جذاب و يعتمد هذا الفن علي جعل الأشياء تتحرك كما لو كانت تتحرك من تلقاء نفسها.
يعتمد فن إيقاف الحركة Stop-motion علي تصوير إطارات فردية لنماذج مجسمة أو مصوره و تجميعها معاً ليبدو كما لو كانت تتحرك ذاتياً , و من أشهر النماذج التي يتم استخدامها الدمي و الصلصال و الورق و لا يشترط فقط استخدام هذه الخامات فيمكن أيضاً استخدام شتخصيات من البشر أو الأجهزة الكهربائية أو غيرها لإظهار الصورة في إطار كوميدي فكاهي
ومن أشهر افلام الانيمشن بتقنية إيقاف الحركة:
(2) Wallace & Gromit: The Curse of the Were-Rabbit 2005 ( Oscar winner for best animated feature )
(3) Coraline 2009
(4) Fantastic Mr. Fox 2009
(5) The Pirates! Band of Misfits 2012
(6) ParaNorman 2012
(7) Frankenweenie 2012
شاهد أيضاً: بالفيديو | Predestination | استعراض ومناقشة بالعربي
فيلم the boxtrolls مبني علي قصة ” Here Be Monsters” للكاتب Alan Snow
والفيلم من انتاج شركة Laika نفس الشركة اللي قامت بإنتاج Coraline و ParaNorman
* قصة الفيلم:
تدور احداث الفيلم في مدينة خيالية تدعي cheesebridge يسكنها البشر من فوق الارض، أما تحت الارض تسكن مخلوقات غريبة تعيش داخل صناديق إسمهم boxtrolls او جبابرة الصناديق. معروف عن المخلوقات دي بين الناس انهم وحوش بيطلعوا بالليل عشان يسرقوا ويخطفوا الاطفال وياكلوهم. بيحصل ان المخلوقات دي بتربي ولد صغير يتيم في وسطهم وبيكبر معاهم تحت رعاية واحد من جبابرة الصناديق اسمه (فيش)(fish) اللي بيقرب منه وبيكون زي ابوه وبيعلمه كل حاجه عن حياتهم: ازاي بياكلوا، بيتعاملوا مع بعض و ايه بيكون شغلهم. وبيسمي الولد (إيجز)(eggs)
إقرأ أيضاً: The Secret Life of Walter Mitty | يلا بينا تعالو نسيب اليوم بحاله
علي الجانب الاخر عندنا شخصية Snatcher الشرير بتاع الفيلم، اللي بيحاول يصطاد جبابرة الصناديق عشان يقضي عليهم ويخلص الناس من رعبهم. وده بيحصل كل يوم بالليل لما بييطلع جبابرة الصناديق من مكانهم ويشتغلوا. وفي ليلة بيطلع (إيجز) مع (فيش) وبعض من البوكسترول بالليل، وبيطاردهم Snatcher وبيقبض علي (فيش)… وفي الظروف دي بيحاول (إيجز) الوصول لSnatcher عشان يلاقي (فيش) وده بمساعدة فتاة اسمها (Winnie) اللي بيقابلها (إيجز) لما بيحتك بالبشر لأول مرة.
(1) شخصية (إيجز) قام بالاداء الصوتي لها (Isaac Hempstead-Wright)
ادائه الصوتي كان جيد وتفوق في لحظات الضعف في الفيلم وكانت باينة في نبرة الصوت اوي
رسم الشخصية كمان كان حلو وتم صنعاتها بمهارة من حيث الشكل والحركة. والدور مكتوب حلو كمان وكنت متحمس اعرف نتيجة الصراع اللي كان بيواجهه هتبقي ايه
شاهد أيضاً: بالفيديو | Big Hero 6 | استعراض ومناقشة بالعربي
(2) شخصية (ويني) قامت بالاداء الصوتي لها (Elle Fanning)
اداء رائع من ممثلة ليها مستقبل فعلا بالرغم من صغر سنها. ادائها الصوتي كان متامشي جدا مع الشخصية الفضولية واللي كانت مصنوعة حلو جدا بس يمكن كنت شايف انها ممكن تطلع احسن من كده
(3) شخصية (سناتشر) قام بالاداء الصوتي لها العبقري (Ben Kingsley )
المشهور بادائه في افلام زي:Shutter island, Iron man3, Hugo
ادائه الصوتي كان فوق الممتاز، وقدر وصللي احساس بجد انه راجل شرير ولئيم. اما بالنسبة للشخصية وشكلها فهي كاريكاتورية جدااا، طريقة رسم الشخصية والتنفيذ باين فيها ده. المفروض انه شرير لكن كنت بضحك شوية عل بعض تصرفاته وشكله الملخبط ويمكن ده كان بقصد الكوميديا. وده ظهر في بعض حركاته وتعبيرات وشه
بالنسبة لشخصيات ال boxtrolls فكانت مرسومة ومعمولة حلو جدا بالرغم من انهم مبيتكلموش غير كلام قليل جدا جدا ولكن ظهروا كلهم بشكل جميل, ومش بيخوفوا لا من حيث الشكل ولا حقيقة الشخصيات في الفيلم. وفي رأيي صناعة الشخصيات دي وطريقة تصرفاتهم كانوا اكتر حاجة ملفتة في الفيلم لأنهم أساس الفيلم اصلا
إقرأ أيضاً: 30 فبراير .. كوميديا الحظ السيئ
*السيناريو والاخراج :
طبعا قصة الفيلم غريبة وخيالية وده اللي خلاها حلوة.
السيناريو جيد جدا وبسيط، جمل حوارية سهلة الفهم ومش سريعة زي افلام كتير. الحبكة الدرامية كمان كانت جيدة وبتكتشف حاجات في سياق الاحداث اللي كان ماشي بشكل مقبول. فوقت مكنت ببدأ احس بشوية ملل الاقي مشهد يجي ويشيل الاحساس ده من عندي واشوف هيحصل ايه واتابع الفيلم
كتابة الشخصيات كمان كانت حلوة، أبرزهم شخصية (eggs) اللي قدرت اتعاطف شوية معاه. وشخصية(snatcher) وفي دور الرجل الشرير اللي عاوز يقضي علي الboxtrolls عشان يحقق هدف تافه جدا ( وده بيحصل في ايامنا بجد )
شاهد أيضاً: بالفيديو | Lucy | استعراض ومناقشة بالعربي
يعيب الفيلم ان الكوميديا قليلة جدا. اعتمد اكتر علي الصور الجميلة اللي تخليك تبتسم. غير في مشهد واحد وهو دخول Eggs للحفلة الراقصة واحتكاكه بالناس وكان مشهد بيضحك جدا. وده شئ زعلني ان الكوميديا قليلة بعكس فيلم ParaNorman لو هنقارن بنفس افلام الشركة، الكوميديا كانت اعلي شوية فيه. لكن الفانتازيا في فيلم the boxtrolls احلي وسدت شوية الفجوة الكوميدية
إخراج الفيلم كان ل Graham Annable و Anthony Stacchi
في اول عمل اخراجي ليهم بعد شغلهم في مجال العاب الفيديو و الانيمشن و في اعمال زي:
A Goofy Movie, ParaNorman ,Antz, Open season
اقدر اقول موفقين ومنتظر اعمال افضل دايما. اخراج شكل الboxtrolls كان ممتاز من حيث الشكل والحركة وتركيبة كل واحد فييهم. لكن مش كل الشخصيات ظهرت حلو علي الشاشة..افضلهم ال3 شخصيات اللي قولت عنهم لكن باقي الشخصيات عادية: مساعدين snatcher بيضحكوا شوية لكن مش مبهرين.. والد (ويني) مرسوم حلو لكن معجبنيش اوي من حيث الكتابة
تصميم المدينة تقليدي جدا وموسيقي الفيلم مش قادر افتكرها، كانت بادية حلو في اول الفيلم لكن معلمتش معايا بعد كده
مشهد ال final fight في نهاية الفيلم كان واضح فيه مجهود اخراجي كبير. بالنسبة ليهم في اول عمل اخراجي فده انجاز ويستحقوا الشكر فعلا
إقرأ أيضاً: Honeymoon | حلقة مضروبة من X-Files
مع كل ده، الفيلم قدم رسالة متواضعة للغاية: كلنا نقدر نتغير بس مش لازم نستسلم للخوف .. احنا اللي بنعمل شخصيتنا مش ممتلكاتنا او اللي حاجات اللي عاوزينها…. ده اللي قدرت اطلع بيه من الفيلم.. وكان واضح جدا فيه.
* التقييم النهائي :
The boxtrolls هو في الاجمالي عمل جيد جدا من صناع الفيلم ، وفي تطور ملحوظ في صناعة ال stop-motion
واتمني يحوز علي جوائز.. الفيلم يستحق 7.5\10
للتواصل مع الكاتب عبر فيسبوك: فادي ميشيل